डॉ. प्रा.तानाजी सावंत, राहुल मोटे, प्रवीण रणबागुल लागले कामाला

 परंडा विधानसभा मतदारसंघांमध्ये तिरंगी लढत होते की बहुरंगी लढत होते? याची चर्चा जोर धरू लागली आहे. आणखी इच्छुक असलेले उमेदवार काय निर्णय घेतात याकडे मतदारांचे लक्ष लागून राहिले आहे. महाविकास आघाडी कडून राष्ट्रवादी (शरद पवार) चे उमेदवार माजी आमदार राहुल मोटे यांना उमेदवारी मिळाली तर आघाडीचा धर्म पाळण्यासाठी काँग्रेस, शिवसेना (उ.बा.ठा.) मधील नेते कार्यकर्ते किती जोमाने आपला आघाडीचा धर्म पाळतात हे पाहावे लागेल.

तर शिवसेना (शिंदे गट) कडून विद्यमान आमदार डॉ. प्रा. तानाजी सावंत यांची उमेदवारी निश्चित मानली जात असून मागील दोन महिन्यापासून तानाजी सावंत यांच्या गाव भेटीगाठी सुरू आहेत. यामध्ये महायुतीमधील भाजपा व राष्ट्रवादी काँग्रेस (अ.प.) मधील नेते व कार्यकर्ते देखील महायुतीचा धर्म पाळून डॉ. प्रा. तानाजी सावंत यांच्या उमेदवारीवारीला बळ देण्यासाठी किती पराकाष्टा करतात हे देखील पाहावे लागेल